Ла лига президенти Хавьер Тебас «Барселона» Негрейра иши бўйича қўйилаётган айбловларга қарамай, ҳакамларни пора билан ўз томонига оғдирмаганини таъкидлади.
«Биз ҳуқуқий давлатда яшаймиз ва қоидалар қандай бўлса, шундай амал қилади. Негрейра иши бўйича прокуратурага биринчи бўлиб мурожаат қилган ҳам биз — Ла Лига бўлганмиз, “Реал” эмас. Қонунга амал қилишда давом этмоқдамиз. Спорт тўғрисидаги қонунда уч йиллик даъво муддати бор. Мен бундай жиноятлар учун даъво муддати анча узоқ бўлиши керак, деб ҳисоблайман. Шу билан бирга, аниқки, “Барселона” ҳакамларга пул тўламаган, ҳеч бўлмаганда, бу воқеа айнан шундай кўринишга эга», — дея Тебаснинг сўзларини келтиради Sport.es.
Эслатиб ўтамиз, 2023 йилда «кўк-анорранглилар»га Техник ҳакамлар қўмитаси (CTA)нинг собиқ вице-президенти Хосе Мария Негрейрага тўловлар амалга оширилгани бўйича пора бериш айблови қўйилган эди. У Royal Spanish Football Federation тизимида фаолият юритган. «Барселона» 2001–2018 йиллар оралиғида Негрейрага тахминан 8,4 миллион евро тўлаганликда айбланган.
Каталония клуби талқинига кўра, Негрейра ҳакамлик бўйича техник ҳисоботлар тайёрлаш учун ташқи маслаҳатчи сифатида жалб қилинган. CTAнинг собиқ вице-президенти эса ҳакамларга таъсир ўтказиш мақсадида пора олганини рад этмоқда.
Криштиану Роналду бойкотдан кейин жаҳон рекордини ўрнатди
Ҳоланд кутилмаган трансфер қарорини қабул қилди
Винисиуснинг сўраётган жуда катта маошни тўлай оладиган Европа клуби номи маълум бўлди
