Америкалик журналист Такер Карлсон Исроилнинг Бен-Гурион аэропортида ҳибсга олинди

Америкалик журналист АҚШ элчисидан интервью олганидан сўнг Исроилнинг Бен-Гурион аэропортида ҳибсга олинди ва сўроқ қилинди — Daily Mail

Америкалик журналист Такер Карлсоннинг айтишича, АҚШнинг Тел-Авивдаги элчиси Майк Ҳаккаби билан ўтказилган интервьюдан сўнг, у ва унинг жамоаси аэропортда Исроил расмийлари томонидан қўлга олинган ва сўроқ қилинган. Fox News телеканалининг собиқ бошловчиси Карлсон дастлаб, Исроилга киритилмагани туфайли аэропорт биносини тарк этмаган.

Маълумотларга кўра, расмийлар Карлсоннинг паспортини олиб қўйиб, унинг ижрочи продюссерини интервьюда нима ҳақида гап борганини билиш учун сўроқ қилишга олиб кетган.

Daily Mail'нинг икки манбасига кўра, журналистнинг мамлакатга киришига рухсат бериш масаласи АҚШ Давлат департаменти иштирокидаги музокаралар орқали ҳал қилинган. Натижада, Исроил ҳукумати "дипломатик можаро"нинг олдини олиш мақсадида Карлсоннинг мамлакатга киришига тўсқинлик қилмасликка қарор қилган.