"Путинни мантиқий далиллар ишонтира олмайди"

Германия канцлерининг айтишича, Украинадаги урушни музокаралар йўли билан тезроқ якунлашнинг имконияти деярли йўқ, бу уруш томонлардан бири ҳарбий ёки иқтисодий жиҳатдан ҳолдан тойгандагина тугайди.

"Путинни мантиқий ва гуманитар далиллар билан ишонтириб бўлмайди. Бу аччиқ ҳақиқат. Шунинг учун Европа Россиянинг урушни иқтисодий жиҳатдан молиялаштира олишига тўсқинлик қилишга ҳаракат қилмоқда”, — деди Мерц.

Германия канцлери Путин режими яқин келажакда урушсиз яшай олмаслигига ишончи комиллигини, чунки унда фронтдан қайтаётган юз минглаб оғир яраланган аскарларнинг келажаги билан боғлиқ ҳеч қандай режа йўқлигини айтди.