Газетанинг ёзишича, Россия разведкаси Доналд Трамп 2024 йилда АҚШ президентлиги учун сайловда ғалаба қозонганидан сўнг, унинг атрофидаги шахслар бўйича ҳисобот тайёрлаган. Кремл Оқ уйнинг янги маъмурияти ичидан ўзи учун қулай одамни қидирган.
Москва Кит Келлог номзодига қарши бўлган. Бунинг сабабларидан бири Келлогнинг қизи Украинадаги хайрия ташкилотига раҳбарлик қилганидир. Стив Уиткофф эса сиёсатдан кўра бизнесда кўпроқ тажрибага эгалиги ҳамда ўз ҳаракатлари ва сафарларини ҳар доим ҳам АҚШ махсус хизматлари билан мувофиқлаштирмаслиги билан Кремлни ўзига ром этган.
Нашр манбаларига кўра, Россия ҳукумати томонидан Уиткоффга юборилган илк учрашув таклифини Саудия Арабистони валиаҳд шаҳзодаси Муҳаммад бин Салмон етказган. Америкалик тадбиркор Путин билан учрашиш учун Москвага таклиф қилинган.
"Кремл унга АҚШ Марказий разведка бошқармаси (CIA) ходимлари, дипломатлар ва ҳатто таржимон ҳамроҳлик қилмаслигини қатъий талаб қилган. Путин ва Уиткоффнинг ёпиқ учрашуви шу йилнинг 11 феврал куни бўлиб ўтган. Ўшандан бери Уиткофф Россия етакчиси ҳузурига олти марта бoрди, бу охирги 75 йил ичида АҚШнинг ҳар қандай мулозими томонидан амалга оширилган шундай сафарлардан кўпроқдир. Шу билан бирга, Уиткофф Трампнинг махсус вакили этиб тайинланганидан бери бирор марта ҳам Украинада бўлмаган", дейилади мақолада.
Маълумотларга кўра, Уиткофф доимо Россия президенти билан АҚШ расмий тузилмаларини четлаб ўтган ҳолда учрашган. Шунингдек, у Путиннинг махсус вакили Кирилл Дмитриев билан биргаликда Украина чегаралари ва ҳарбий келажагидан тортиб, Россияга қарши санкцияларни юмшатиш ҳамда урушдан кейинги инвестицияларгача бўлган масалаларни муҳокама қилган.
Аҳолига ҳеч қандай шартларсиз ҳар 3 ойда 200 доллардан берилади
Туркия Россиядан сотиб олинган С-400 зенит-ракета мажмуаларини қайтармоқчи
Россия дарҳол ҳарбий ҳаракатларни тўхтатишга тайёр,
