Франциялик фермерлар президент Эммануэл Макрон ва унинг рафиқаси Брижитнинг хусусий уйи ёнида норозилик намойиши ўтказди. Улар Европа Иттифоқи ва Меркосур давлатлари ўртасидаги эркин савдо келишуви режаларига қатъий норозилик билдирмоқда, дейилади БФМТВ телеканалида.
Акция 19 декабрь куни эрта тонгда Тук шаҳридаги қароргоҳда ташкил этилди. Воқеа жойига кўплаб тракторлар ва бошқа қишлоқ хўжалиги техникалари етиб келган.
Телеканал маълумотларига кўра, FNSEA касаба уюшмаси фермерлари шартнома имзолашни шунчаки кечиктиришни етарли эмас, деб ҳисобламоқда. Шунингдек, улар президент Макрон Франциянинг бу борадаги позициясига аниқ жавоб бермаётганини айтишмоқда.
Меркосур Жанубий Америка мамлакатларининг йирик умумий бозори бўлиб, Бразилия, Аргентина ва бошқа давлатларни ўз ичига олади. Уюшма 1991 йилда ташкил этилган бўлиб, қитъада асосий иқтисодий роль ўйнайди.
Тўсатдан картангиздан пул ечилса, ҳайрон бўлманг!
Аҳолига ҳеч қандай шартларсиз ҳар 3 ойда 200 доллардан берилади
Туркия Россиядан сотиб олинган С-400 зенит-ракета мажмуаларини қайтармоқчи
