Кениялик енгил атлетикачи 5000 метр масофага югуриш бўйича жаҳон рекордини ўрнатди

Кениялик енгил атлетикачи Беатрис Чебет 5000 метр масофага югуришда жаҳон рекордини ўрнатди.

Спортчи Американинг Юджин шаҳрида (Орегон штати, АҚШ) Олмос лигаси босқичида 13 дақиқа 58,06 сония натижа кўрсатиб, рекорд ўрнатди. Аввалги рекорд эфиопиялик Гудаф Тсегай томонидан 2023 йил сентябрида ўрнатилган эди.

Чебет 25 ёшда, у 2024 йилда Парижда 5000 м масофага югуриш бўйича Олимпиада чемпиони. Жаҳон чемпионатларида у кумуш (2022) ва бронза (2023) медалларини қўлга киритди.