Кая Каллас АҚШ вице-президентининг ҳуштакбозлик билан қарши олинишига муносабат билдирди

Кая Каллас Италияда АҚШ вице-президентининг ҳуштакбозлик билан қарши олинишини "Европа мағурурлиги"нинг кўриниши деб баҳолади, деб ёзмоқда Politico.

Миландаги Қишки Олимпия ўйинларининг очилиш маросимида томошабинлар АҚШ терма жамоаси парадида экранда намойиш этилган АҚШ вице-президентини Жей Ди Венсга норозилик билдириб, ҳуштак чалишган эди.

Европа дипломатияси раҳбари Кая Калласнинг айтишича, бу "Европа ғурури"нинг бир кўриниши ўлароқ америкалик сиёсатчилар томонидан Европанинг кескин танқид қилинишига жавоб бўлган.

Калласнинг сўзларига кўра, томошабинлар бу ҳаракатлар орқали Европанинг ўз позицияси борлигини кўрсатган.