УНРWАнинг алоқалар бўйича катта менежери Жонатан Фоулер Анадолу агентлигига Исроил ҳужумлари ва қамаллари сабаб Ғазо секторидаги оғир гуманитар вазият ҳақида гапирди. Унинг сўзларига кўра, вазият мисли кўрилмаган фожиа даражасига етган.
«Дори-дармон, озиқ-овқат ва сувнинг ҳалокатли тақчиллиги мавжуд. Доимий кўчиш, ўлим ва вайронагарчилик - буларнинг барчаси техноген офат бўлиб, 2 миллион аҳолига таъсир қилади. Улар омон қолиш учун гуманитар ёрдамга боғлиқ, аммо минимал эҳтиёжлар ҳам қондирилмаяпти», - дейди Фаулер.
Шу билан бирга, Amnesty International ташкилоти Исроилни фаластинликларни геноцидда айблаган ҳисоботини чоп этди.
Ташкилот 2023 йил октабридан 2024 йил июлигача Исроилнинг Ғазодаги ҳаракатларини ўрганиб чиқди, 200 дан ортиқ кишидан кўрсатмалар тўплади ва визуал материалларни таҳлил қилди.
«Индивидуал равишда, Amnesty International томонидан кўриб чиқилган айрим ҳаракатлар халқаро гуманитар ҳуқуқ ёки халқаро инсон ҳуқуқлари қонунларининг жиддий бузилишини ташкил қилади. Аммо бутун ҳарбий кампания ҳамда Исроил сиёсати ва ҳаракатларининг оқибатлари биргаликда кўриб чиқилса, ягона оқилона хулоса геноцид ниятидир», дейилади ҳисоботда.
