Немислар кўп нарсаларни тўғри қилган

НАТО Бош котиби Марк Рутте Германиянинг "Bild" газетасига берган интервьюсида, немислар "Украинадаги уруш бошланганидан бери кўп нарсаларни тўғри қилгани"ни таъкидлади.

"Бироқ, Германия иқтисодиётининг катталигини ҳисобга олсак, табиийки, улардан кўпроқ ҳаракат кутамиз," деди Рутте. У яна қўшимча қилди: "Германия мудофаа харажатларини ошириши шарт, бу зарурий қадам бўлади."

Германия АҚШдан кейин Украинанинг иккинчи йирик ҳарбий кўмакчиси ҳисобланади, аммо канцлер Олаф Шольц Владимир Зеленскийнинг иккита асосий талабини рад этмоқда.

Булар: биринчидан, Германия ва Швецияда ишлаб чиқарилган узоқ масофали "Taurus" ракеталарини Украинага етказиб бериш, иккинчидан эса, Украинани тезда НАТОга аъзо бўлишга таклиф қилишдир.