G20 — Катта йигирматаликка аъзо давлатлар ташқи ишлар вазирлари Атлантадаги учрашувни анъанавий жамоавий суратга тушиш маросимисиз бошлади. Бунга Россия вакили билан биргаликда суратга тушишга қарши чиққан европалик дипломатларнинг эътирозлари сабаб бўлган.
Биргаликда суратга тушиш маросими АҚШ Давлат департаменти томонидан эълон қилинган учрашув дастуридан ҳам ўрин олмаган. Россия ташқи ишлар вазири Сергей Лавровни ўз ичига олган вазирлар дарҳол биринчи йиғилишга киришган.
«Ҳеч қандай шароитда Европа ҳамкорлари ва жаноб Лавров биргаликда суратга тушмайди. Чунки Россия билан нормал муносабатлар ҳақида гап бўлиши мумкин эмас», — деди Германия ташқи ишлар вазири Йоханн Вадефуль.
Аввалроқ Европа расмийлари Лавров иштирокида ва унинг иштирокисиз иккита алоҳида фотосессия ўтказиш имкониятини кўриб чиқишган эди.
Исроилда парламент сайловлари якунланди: Нетаньяху учун кутилмаган натижа
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
1-ноябрдан иссиқ сув ва иссиқлик энергияси нархлари 30% га ошади
