Эрон АҚШ санкцияларининг иқтисодий босимини камайтириш мақсадида Россия, Хитой, Покистон, Туркия ва Марказий Осиё орқали муқобил савдо ҳамда транспорт йўлакларини ривожлантирмоқда.
ГИС Рипортс таҳлилига кўра, Эрон Форс кўрфази портларига қарамликни камайтириб, Каспий денгизи портлари, Покистон ва Туркия билан қуруқлик йўлларидан фойдаланишни кенгайтирган.
Россия билан ҳамкорликда Шимол–Жануб халқаро транспорт йўлаги ривожлантирилмоқда. Шунингдек, Эроннинг СЕПАМ ва Россиянинг СПФС молиявий тизимларини интеграция қилиш, риал ва рублда ҳисоб-китобларни ошириш орқали долларга боғлиқлик камайтирилмоқда.
Хитой билан савдо алоқалари эса Туркманистон ва Қозоғистон орқали темирйўл йўналишлари ҳисобига кенгаймоқда.
Таҳлилга кўра, бу муқобил тармоқлар АҚШнинг Эрон иқтисодиётини тўлиқ изоляция қилиш стратегияси самарадорлигини пасайтирган. 2026 йилда Эрон ташқи савдоси ҳажми тахминан 76 миллиард долларга етиши кутилмоқда.
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Раъно Шодиева учун оғир жудолик
Нега Исроил Ўзбекистонга қизиқиб қолди?
