Жанубий Корея Украина Россия-Украина уруши давомида асирга олинган икки нафар Шимолий Корея ҳарбий хизматчисининг Жанубий Кореяга топширилганини оммага ошкор қилгани учун Киевдан расмий узр ва тушунтириш талаб қилди.
Жанубий Корея президенти матбуот котиби Сон Ги Хоннинг маълум қилишича, Сеул ва Киев ҳарбий хизматчиларни топшириш масаласи бўйича махфийлик тўғрисида келишувга эришган. У маълумотнинг оммага очиқланганидан «чуқур афсус» билдирган.
Жанубий Корея томони Украинадан расмий узр ва воқеа юзасидан тушунтириш кутаётганини билдирди. Шунингдек, Сеул Киевнинг махфийлик бўйича ҳеч қандай келишув бўлмагани ҳақидаги даъволарини рад этди.
Сон Ги Хоннинг таъкидлашича, ушбу ҳолат икки давлат ҳукумати ўртасидаги ишончга «жиддий таҳдид» туғдирмоқда.
23 сентябрь куни Украина президенти Владимир Зеленский БМТ Бош Ассамблеясининг 81-сессиясида сўзлаган нутқида икки нафар шимолий кореялик ҳарбий 2025 йил бошида асирга олингани ва кейинчалик Жанубий Кореяга топширилганини маълум қилган эди.
Шу тариқа, икки томон воқеа юзасидан турлича позиция билдирмоқда: Сеул Украина махфийлик келишувини бузганини таъкидламоқда, Киев эса бундай келишув мавжуд бўлганини инкор этмоқда.
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Раъно Шодиева учун оғир жудолик
Нега Исроил Ўзбекистонга қизиқиб қолди?
