"Буни ўз кўзим билан кўрганман" – ЮНИСЕФ вакили Ғазодаги даҳшатни очиқлади!

Ғазога тиббий жиҳозлар киритилмаса, болалар ҳалок бўлади — ЮНИСЕФ.

БМТнинг болалар агентлиги вакили Розалия Боллен айтишича, Исроилнинг Ғазони қамал қилиши гуманитар ташкилотлар тинчлик даврида эришган ютуқларни йўққа чиқариши мумкин.

"Ғазога нафақат ёрдам, балки ёқилғи ҳам киритилмаяпти," деди у. "Ғазо етарли электр энергиясига эга эмас, бу эса унинг муҳим инфратузилмаси - шўрсизлантириш иншоотларидан тортиб шифохоналаргача - ёқилғига боғлиқлигини англатади."

У "сув ишлаб чиқаришни кўпайтириш зарурлигини ва бунинг учун ёқилғи ҳал қилувчи аҳамиятга эга эканлигини" таъкидлади.

Болленнинг айтишича, тиббий жиҳозлар киритилишини тўхтатишнинг "реал оқибатлари" фаластинлик болаларнинг ўлими билан якунланади.

"Буни ўз кўзим билан кўрганман. Бир неча ой олдин... биз 28 ҳафталик чала туғилган чақалоқни кўрдик. Ўша чақалоқ уч ҳафтадан сўнг шифохонада сунъий нафас олдириш ва CПАП аппаратлари йўқлиги сабабли вафот этди."