АҚШ президентининг махсус элчиси Стивен Уиткоффга Россия президенти Владимир Путин билан учрашишдан олдин 8 соат кутишга тўғри келди. Бу ҳақда Британиянинг Sky News телеканали хабар бермоқда.
Телеканал маълумотларига кўра, Трампнинг бош музокарачиси деб аталадиган Уиткофф Москвада тахминан 12 соат бўлган. У Россия пойтахтига Украина билан 30 кунлик тинчлик келишуви ҳақида Путин билан музокара олиб бориш учун ташриф буюрган.
"Бироқ у пайшанба куни тушга яқин етиб келгач, Кремлга чақирилгунга қадар камида саккиз соат бекор ўтиришга мажбур бўлди. Президент Путин, чамаси, бир кун олдин эълон қилинган шошилинч ташкил этилган давлат ташрифи учун келган бошқа меҳмон - Беларус президенти Александр Лукашенко билан учрашиш билан жуда банд эди," - дейилади хабарда.
Телеканал мухбири Лукашенконинг ташриф вақти атайлаб танланганини қатъий айта олмаса-да, бу "аниқ тасодифга ўхшамасди" деб таъкидлади.
Шу билан бирга, Уиткофф ва Путин ўртасидаги учрашув қанча вақт давом этгани ва унда нима ҳақида сўзлашилгани телеканал учун номаълум қолган.
Sky News'нинг таъкидлашича, Уиткофф Москвани "Путиннинг розилиги билан эмас, балки талаблар рўйхати билан" тарк этган бўлиши эҳтимоли юқори.
Путинга Украинадан "қўнғироқ қилишди"
Иккиланмай зарба берамиз: АҚШ Россияга очиқ таҳдид қилди!
Россия АҚШга рад жавобини берди: Уруш тугамайди!
