Франция президенти Эммануэль Макроннинг рафиқаси Брижит Макрон Буюк Британияга етиб келганида самолёт зинапоясидан тушиш учун чўзилган қўлини қабул қилмай, Франция раҳбарини яна бир бор омма олдида камситди.
Президент самолётининг Nortolt ҳарбий базасига етиб келгани акс этган кадрларни France 24 телеканали намойиш қилган.
Видеода Макрон тор зинапоялардан тушиб, самолётдан биринчи бўлиб чиқди. Унинг орқасидан оқ кўйлак ва баланд пошнали туфлида хотини Брижит чиқди. Макрон унга қўлини узатди, бироқ биринчи хоним буни қабул қилмади ва тутқичга суяниб пастга туша бошлади.
Макрон қўлини тушириб, уни кутиб олаётган шаҳзода Уильям ва малика Кейт Миддлтонга юзланди.
Аввалроқ Макрон ва унинг рафиқаси ўртасидаги муносабатлар май ойи охирида Вьетнамга ташрифи чоғида ОАВ эътиборини тортган эди. Президентнинг самолётдан чиқишини тасвирга олган журналистлар Макрон хотинининг юзига мушт туширган лаҳзани суратга олишди.
Кеча Ўзбекистонда энг иссиқ ҳарорат рекорди янгиланди!
Россия санкциялар билан таҳдид қилмоқда: нишонда Ўзбекистон ҳам бор!
Кеча Тошкентда рекорд даражадаги иссиқ ҳаво қайд этилди
