Россия президенти Владимир Путин “Ғалаба учун барчаси!” форумида чиқиш қилиб, Ғарб давлатларини танқид остига олди. Унга кўра, бу мамлакатлар ички ижтимоий муаммоларни ҳал қилиш ўрнига, Украинага маблағ ажратишни афзал кўришмоқда.
“Уларда муаммолар кўп ва улар анча оғир. Аммо шунга қарамай, улар пулни соғлиқни сақлаш, коммунал хизматлар ёки маошларни оширишга эмас, Украинага сарфламоқда”, — деди Путин.
Унинг айтишича, фақатгина Бутунроссия халқ фронти (ОНФ) орқали жанг майдонига юборилган дронлар украин техникасига икки миллиард доллардан ортиқ зарар етказган.
“Ғарб солиқ тўловчилари шу рақамларни эшитиб, ҳукуматлари уларнинг пулларини нималарга сарфлаётгани ҳақида ўйлаб кўришсин”, — деб қўшимча қилди у.
Путин, шунингдек, миграция масаласини ҳам кўтариб, Европага миллионлаб мигрантлар келаётганини ва уларни иш билан таъминлаш зарурлигини таъкидлади. Унинг фикрича, агар бу амалга ошмаса, улар маҳаллий аҳолини меҳнат бозоридан сиқиб чиқариши мумкин.
“Бизда ҳам муаммолар бор, лекин уларда — анча оғирроқ. Агар улар Россияга нисбатан ҳозирги сиёсатни давом эттирса, вазият янада ёмонлашади”, — деди у.
Шу билан бирга, АҚШ президенти Дональд Трамп Путин билан сўнгги суҳбати Украина бўйича ҳеч қандай ижобий силжиш бермаганини маълум қилди:
“Мен хурсанд эмасман. Мен ҳеч қандай прогрессга эришмадим”, — дея изоҳ берди Трамп.
Россия санкциялар билан таҳдид қилмоқда: нишонда Ўзбекистон ҳам бор!
Кеча Тошкентда рекорд даражадаги иссиқ ҳаво қайд этилди
Қатор давлатлар миллий ўзликка қайтиш мақсадида номини ўзгартирди
