Супероғир вазн тоифасидаги боксчимиз, икки карра Олимпиада чемпиони Баҳодир Жалолов бизнинг вақт билан эртага тонг саҳарда Канаданинг Монреаль шаҳрида ташкил этиладиган оқшомда ўзининг навбатдаги жангини ўтказиши керак эди.
Афсуски, унинг франциялик Дэвид Спильмонтга қарши кечадиган жанги бекор қилинибди. Бунга Жалоловнинг лаб қисмидаги кичик ҳуснбузар (угри) сабаб сифатида кўрсатилибди. Боксчилар расмий тарозидан ўтиш маросимида ҳам қатнашиб улгуришганди.
Маълумот учун, Баҳодир Жалолов проф фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Дэвид Спильмонт эса шу кунгача 25 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.
Моуриньо футбол тарихидаги энг зўр уч футболчи номини айтди
Гвардиола Ҳусанов ҳақида гапирди
Қозоғистон терма жамоаси бош мураббийи: "Сатпаев Абдуқодир Ҳусановдан кучли"
