Ламин Ямал: "Бутун дунё тайёрлансин"

«Барселона» ҳужумчиси Ламин Ямал футболдаги келажаги ҳақида гапирди. Испаниялик футболчи 5 йил ичида бутун дунёни тайёрланишга чақирди.

Маълумот ўрнида, 2030 йилда Ямал 22 ёшга тўлади.

— «Барселона» тайёрланиши керак...
— Фақат «Барселона»ми?
— «Барселона» ва бутун дунё. Мен тутқич бермас футболчига айланаман, — деди Ямал.

Ламин Ямал — «Барселона» тарбияланувчиси. Айни вақтда 17 ёшли вингер «кўк-анорранглилар» асосий жамоасида 106 та ўйин ўтказиб, 25 та гол урган ва 36 та голли узатмани амалга оширган. Унинг каталонияликлар билан шартномаси 2031 йилнинг ёзигача амал қилади.