Миллий терма жамоамиз дарвозабони Ўткир Юсуповнинг Эрон клубидаги келажаги нима бўлади?

Ўзбекистон миллий терма жамоаси дарвозабони Ўткир Юсупов Эроннинг "Фулад" клубида қолади. Бу ҳақда Uzbekistan Legionaries хабар берди.

Маълумотларга кўра Ўткир Юсуповга Суперлигамиздан таклифлар бўлди, аммо легионеримиз рад жавобини берди. Унинг шартномаси "Фулад" билан 2026 йил ёзгача, клуб Ўткир Юсупов билан шартномани яна 1 йилга узайтирмоқчи.

34 ёшли дарвозабонимиз тез орада Эронга учиб кетади ва клуби билан янги мавсумга тайёргарликни давом эттиради.