Европа бошпана масалалари агентлиги (EUAA) хабар беришича, Сурияда Башар Асад режими қулашидан сўнг, сурияликларнинг Европа Иттифоқидан бошпана сўраш учун берган аризалари сони энг паст даражага тушди, деб ёзмоқда Le Figaro.
"Февраль ойида Европадан 5 минг суриялик бошпана сўради. Бу ўн йилдан ортиқ вақт давомида кузатилмаган тарихий паст кўрсаткичдир," дея нашр душанба куни агентлик маълумотларини келтирмоқда.
EUAA маълумотларига кўра, 2024 йил декабрь ойида янги ҳукуматнинг келиши Европада бошпана билан боғлиқ вазиятда "сезиларли ўзгариш"га олиб келди: аризалар сони 2024 йил октябрь ойига нисбатан 70 фоизга камайди.
Шу пайтгача сурияликлар Европа Иттифоқининг 27 давлатида уларга берилган Европа Иттифоқи ҳимоясининг асосий манфаатдорлари эди.
"Бошпана бериш бўйича сўнгги статистик маълумотлар Европа учун бошқа ҳудудлардаги барқарорлик қанчалик муҳимлигини кўрсатмоқда," дея янги вазиятга изоҳ берди Европа комиссиясининг ички ишлар ва миграция бўйича аъзоси Магнус Бруннер.
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
Қодировнинг аҳволи жуда оғир: у ворис қидирмоқда
