Европа Иттифоқининг Россияга қарши янги, 17-чи санкциялар пакетида БАА, Ветнам, Туркия, Сербия ва Ўзбекистон компаниялари нишонга олинган.
Financial Times маълумотларига кўра, булар Россияга чекловларни четлаб ўтишга ёрдам бераётган 20 та фирмадан иборат.
Санкциялар, шунингдек, "соя флоти"га тегишли 149 та танкерга ҳамда 60 га яқин Россия ва Хитой компаниялари ва фуқароларига ҳам таъсир кўрсатиши мумкин. Тақиқланган экспорт рўйхатига икки томонлама фойдаланиш мумкин бўлган товарлар, жумладан кимёвий моддалар ва станок қисмлари қўшилади.
FT манбаларига кўра, Европа Иттифоқи бу чораларни Россияга босимни давом эттириш ва Венгриянинг янги чекловларни маъқуллашга тайёрлигини синаш сифатида кўрмоқда. Илгари Будапешт санкцияларнинг узайтирилишини тўхтатиш билан таҳдид қилган бўлса-да, кейинчалик бунга розилик берган эди.
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
Қодировнинг аҳволи жуда оғир: у ворис қидирмоқда
