"Арсенал" янги харидни амалга оширди

Испаниялик ярим ҳимоячи Мартин Субименди "Реал Сосьедад"дан Лондоннинг "Арсенал" клубига ўтди.

Бу ҳақда “канонирлар” матбуот хизмати хабар берди. 26 ёшли футболчининг "Арсенал" билан шартномаси 5 йилга мўлжалланган.

Нуфузли инсайдер Фабрицио Романонинг маълумотларига кўра, Субимендини сотиб олиш "Арсенал"га 65 миллион еврога тушган.

Испан клубидаги бутун давр мобайнида у барча турнирларда 236 та ўйинда қатнашиб, ўнта гол урди ва тўққизта голли узатмани амалга оширди.