АҚШнинг атом сув ости кемаси биринчи марта Исландия портига кирди

Американинг Лос-Анжелес тоифасидаги USS Newport News ядровий сув ости кемаси илк бор Исландия портига кирди.

Business Insider портали хабар беришича, бунга Вашингтон ва НАТОнинг Россиянинг Арктикадаги ҳарбий фаоллиги ошиб бораётганидан хавотирлари сабаб бўлиши мумкин.

АҚШнинг Европа ва Африкадаги ҳарбий-денгиз кучлари қўмондони адмирал Стюарт Мункнинг нашрга айтишича, сув ости кемасининг Исландия портига кириши "муҳим аҳамиятга эга, чунки у душманларга АҚШнинг минтақадаги мавжудлиги ҳақида стратегик сигнал беради", шунингдек, АҚШ иттифоқчиларига ишонч беради. Порталнинг қайд этишича, Вашингтон Исландияни Арктика стратегиясининг марказий элементи деб билади.

"АҚШ ўнлаб йиллар давомида у ерда совет, кейин эса Россия сув ости кемалари фаолиятини кузатиш учун базага эга", — дея қўшимча қилди Манч.

Нашрнинг таъкидлашича, 2023 йилда Америка атом сувости кемаси аллақачон Исландия ҳудудий сувларига кириб борган, бироқ бу сафар USS Newport News искалага боғлаб, экипажи қирғоққа чиқиб кетган.