АҚШда United Airlines авиакомпаниясининг Ньюарк (Нью-Жерси штати) шаҳридан Нью-Орлеан (Луизиана штати)га йўл олган рейси йўловчиси самолётда портловчи қурилма борлигини айтганидан сўнг қўлга олинди.
New Jersey 101.5 радиостанцияси хабар беришича, ҳодиса 2174-сонли рейс бортида содир бўлган.
Радиостанция маълумотларига кўра, парвоз вақтида 34 ёшли йўловчи ўзини ғайриоддий тута бошлаган ва ўзида бомба борлигини айтган.
Самолёт бортида 46 нафар йўловчи ва олти нафар экипаж аъзоси бўлган.
Ҳодисага қарамай, самолёт Нью-Орлеандаги Луи Армстронг номидаги халқаро аэропортга муваффақиятли қўнган. Қўнишдан сўнг гумонланувчи ҳуқуқ-тартибот идоралари ходимлари томонидан қўлга олинган.
Эркакка портловчи қурилма мавжудлиги ҳақида била туриб ёлғон маълумот тарқатиш ва қўрқитиш айбловлари қўйилган.
Самолёт бортида портловчи модда аниқлангани ҳақида маълумот келиб тушмаган.
Чақалоғини ҳожатхонага ташлаган аёлга 3 йиллик жазо тайинланди
АҚШ ва Эрон дастлабки келишувга эришиш сари илгариламоқда
Европа Украина можаросида Россия ғалабасини англамоқда
