Украина Россия билан ўт очишни тўхтатиш бўйича келишувга эриша олмади. Бунга Абу-Дабидаги музокараларда иштирок этган Россия делегациясида бундай масалани муҳокама қилиш ваколати бўлмагани сабаб бўлган.
Бу ҳақда Украина президенти Владимир Зеленский маълум қилди.
«Абу-Дабидаги учрашув давомида энергетика соҳасидаги эҳтимолий сулҳ ва денгизда ўт очишни тўхтатиш масалалари кўтарилди. Бироқ Россия делегацияси ушбу масалани муҳокама қилиш учун ваколатга эга эмаслигини билдирди», — деди у.
Унинг сўзларига кўра, АҚШ президентининг махсус вакиллари Стив Уиткофф ва Жаред Кушнер эртага Россия раҳбари Владимир Путин билан учрашувда ушбу масалани кўтаради. Зеленский Москвадаги музокаралардан сўнг ҳеч бўлмаганда аниқ жавоб олишга умид қилмоқда.
Шунингдек, Зеленский АҚШ Украинага ҳудудий ён бериш ва Донбассни топширишни таклиф қилаётганини таъкидлади. Унинг айтишича, Америка томони бу масалани доимий равишда кўтармоқда ва бундай қадамни Россия — Украина урушини тўхтатиш усули сифатида кўрмоқда.
«Биз билан бундай тарзда гаплашиб бўлмайди», — дея таъкидлади Украина президенти.
Чақалоғини ҳожатхонага ташлаган аёлга 3 йиллик жазо тайинланди
АҚШ ва Эрон дастлабки келишувга эришиш сари илгариламоқда
Европа Украина можаросида Россия ғалабасини англамоқда
