Россия дизель ёқилғисини АҚШга олиб кетаётган учинчи танкер ҳам ўз йўналишини ўзгартирди. Дональд Трамп ва Владимир Путин ўртасидаги келишув доирасида АҚШга йўл олган Agioi Fanendes кемаси тахминан 300 минг баррель дизель ёқилғиси ташиётган эди. У Америка қирғоқларидан қарийб 640 километр узоқликда орқага қайтган. Бу ҳақда Bloomberg хабар берди.
Аввалроқ яна икки танкер АҚШга боришдан воз кечган эди. Talisman Ўрта ер денгизи томон, Leruo эса Бразилияга йўл олган.
Kpler ва MarineTraffic маълумотларига кўра, октябрь ойида Россия портларидан чиққан учала кема ҳам энди АҚШга қараб ҳаракатланмаяпти.
Трамп Конгрессга оралиқ сайловлар олдидан ёқилғи нархини пасайтириш мақсадида Россиядан 1,8 миллион тонна дизель импорт қилишни ваъда қилган эди. Бироқ келишув Украина ва Европа давлатларида танқидларга сабаб бўлди, шунингдек, АҚШнинг ўзида ҳам қаршиликка учради.
Нью-Жерси губернатори Мики Шеррилл штат портларида Россия ёқилғисини туширишни тақиқлаб, чекловлар бузилган тақдирда санкциялар қўлланилиши ҳақида огоҳлантирди.
Москва эса келишув ўз кучида қолганини билдирмоқда. Владимир Путиннинг махсус вакили Кирилл Дмитриев танкерлар йўналиши ўзгаргани ҳақидаги хабарларни ёлғон деб атади.
Кремль матбуот котиби Дмитрий Песков эса Россия ёқилғиси «ўз харидорларини топади», деб таъкидлади.
Эркинжон Турдимов бешта ректорни ишдан бўшатди
Чақалоғини ҳожатхонага ташлаган аёлга 3 йиллик жазо тайинланди
АҚШ ва Эрон дастлабки келишувга эришиш сари илгариламоқда
