Москва вилоятидаги «Крокус сити холл» концерт залида содир этилган теракт иши бўйича судланганларнинг адвокатлари берган шикоятлар Иккинчи Ғарбий округ ҳарбий суди томонидан Власихадаги Апелляция ҳарбий судига юборилди.
Бу ҳақда ТАСС агентлигига суд жараёни иштирокчиларидан бири маълум қилган.
Апелляция инстанциясига жиноят иши материалларининг 500 дан ортиқ жилди топширилган. Шунингдек, жабрланувчи томоннинг шикоятлари ҳам юборилган.
Ҳужжатлар яқин вақт ичида апелляция инстанциясида рўйхатга олинади, шундан сўнг уларни кўриб чиқиш санаси белгиланади. Суд мажлислари ёпиқ тарзда ўтказилади.
«Ҳукм устидан судланганларни ҳимоя қилувчи адвокатлар томонидан берилган апелляция шикоятлари, шунингдек, жабрланувчилар адвокатларининг шикоятлари кейинги кўриб чиқиш учун юборилди», — дейилади хабарда.
12 март куни Иккинчи Ғарбий округ ҳарбий суди «Крокус сити холл»даги теракт иши бўйича ҳукмни эълон қилган эди. Терактнинг тўрт нафар бевосита ижрочиси ва уларнинг 11 нафар шериги умрбод озодликдан маҳрум этилган. Яна тўрт нафар шериги 19 йил 11 ойдан 22 йил 6 ойгача бўлган муддатларга қамоқ жазосига ҳукм қилинган.
Барча айбланувчиларга 500 минг рублдан 2,7 миллион рублгача жарима ҳам тайинланган.
«Крокус сити холл»даги теракт 2024 йил 22 март куни содир бўлган. Қуролланган ҳужумчилар концертга келганларга қарата ўқ узиб, бинога ўт қўйган. Оқибатда 140 нафардан ортиқ киши ҳалок бўлган, яна 600 киши жароҳатланган.
Тергов маълумотларига кўра, ҳужум Россияда тақиқланган террорчилик гуруҳи тарафдорлари томонидан тайёрланган.
Чақалоғини ҳожатхонага ташлаган аёлга 3 йиллик жазо тайинланди
АҚШ ва Эрон дастлабки келишувга эришиш сари илгариламоқда
"Европаликлар Абу-Дабига келишибди — майли, меҳмонхоналарида ўтираверсинлар"
