Чақалоғини ҳожатхонага ташлаган аёлга 3 йиллик жазо тайинланди

Сурхондарё вилояти Қумқўрғон туманида янги туғилган чақалоғини ҳожатхона чуқурига ташлаб юборган 33 ёшли аёлга суд ҳукми ўқилди.

Аёлнинг айтишича, у чақалоқни ўлик туғилган деб ўйлаган. Бироқ суд-тиббий экспертизаси боланинг ўлими нафас йўллари ахлат билан беркилиши оқибатида юз берганини аниқлаган.

Аёлнинг онаси уни туғуруқдан кейин ҳожатхонада кўп қон йўқотган ва ҳушсиз ҳолда топган.

Суд Д.Е.ни Жиноят кодексининг 99-моддаси билан айбли деб топиб, 3 йил озодликни чеклаш жазосини тайинлади.