Венесуэланинг вақтинчалик президенти АҚШ ҳукуматини ҳамкорликка чақирди. Аввалроқ Трамп уни Вашингтон билан ҳамкорлик қилмасликнинг оқибатларидан огоҳлантирган эди.
Венесуэла президенти вазифасини бажарувчи Делси Родригес мамлакати тинчликка содиқ эканини ва АҚШ билан “мувозанатли ҳамда ўзаро ҳурматга асосланган” муносабатларни йўлга қўйишни устувор вазифа деб билишини айтди.
"Биз АҚШ ҳукуматини халқаро ҳуқуқ доирасида қўшма тараққиётга йўналтирилган дастур асосида биз билан ҳамкорлик қилишга таклиф қиламиз. Президент Доналд Трамп, халқларимиз ва минтақамиз уруш эмас, балки тинчлик ва мулоқотга лойиқ. Венесуэла тинчлик, ривожланиш, суверенитет ва фаровон келажакка бўлган ҳуқуққа эга", — деди Родригес.
Аввалроқ Трамп Венесуэла нефт саноатини АҚШ компаниялари учун очиш ва наркотрафикка қарши курашда Вашингтон билан ҳамкорлик қилмаса, мамлакатга янги зарбалар бериш ҳақида буйруқ бериши мумкинлигини айтган эди.
"Агар у АҚШ билан ҳамкорлик қилишдан бош тортса, Мадуродан ҳам қимматроқ товон тўлайди", — деган эди АҚШ президенти.
Хоин тан соқчи 50 миллион доллар олиши мумкин
Мадуронинг ўғли отасининг ўғирлаб кетилишидан сўнг унга мурожаат қилди
Венесуэла мудофаа вазири Владимир Подрино Лопес видеомурожаат йўллади
