"Россия ва Хитой қўрқадиган ягона давлат бу АҚШ"

Агар мен бўлмаганимда, Россия бутун Украинани қўлга киритган бўларди. Россия ва Хитой қўрқадиган ягона давлат бу АҚШ, деди АҚш раҳбари Доналд Трамп.

АҚШ президенти Truth Social тармоғида пост эълон қилиб, NATO'га аъзо давлатлар, Украина, Россия ва Хитой ҳақида фикр билдирди.

"Мен бўлмаганимда, ҳозир Россия бутун Украинани назорат қилаётган бўларди. Шуни ҳам ёдда тутингки, мен ёлғиз ўзим саккизта урушга барҳам берганман, бироқ NATO аъзоси бўлган Норвегия аҳмоқона тарзда менга тинчлик бўйича Нобел мукофотини беришни рад этди. Аммо бунинг аҳамияти йўқ. Муҳими, мен миллионлаб инсонларнинг ҳаётини сақлаб қолдим.

Қўшма Штатлар бўлмаса, Россия ҳам, Хитой ҳам NATO'дан қўрқмайди. Ҳаммага омад кулиб боқди, чунки мен биринчи президентлик муддатимда қуролли кучларимизни тикладим ва ҳозир ҳам буни давом эттиряпман. Биз ҳар доим NATO билан бирга бўламиз, ҳатто улар биз билан бирга бўлмаса ҳам. Хитой ва Россия қўрқадиган ва ҳурмат қиладиган ягона давлат бу Доналд Трамп томонидан қайта тикланган АҚШдир", — дея таъкидлади АҚШ президенти.