Мадуро АҚШ махсус кучларидан қочишга уринаётган пайтда бошидан жароҳат олди

Венесуэла президенти Николас Мадуро ва унинг рафиқаси Килиа Флорес Каракасдаги президент мажмуида Delta Force махсус кучларидан қочишга уринаётганда паст эшик ромига урилиб, бошидан жароҳат олди. Бу ҳақда CNN хабар бермоқда.

АҚШ Давлат котиби Марко Рубио Пентагон котиби Пит Хегсет, штаб бошлиқлари бирлашган қўмитаси раиси генерал Дэн Кейн, АҚШ бош прокурори Пэм Бонди ва Марказий разведка бошқармаси директори Жон Рэтклифф билан икки соатлик ёпиқ брифинг ўтказди. Рубио сенаторларни Мадуро ва унинг рафиқасига етказилган жароҳатларга Delta Force махсус кучлари сабаб бўлмаганига ишонтирди.

Оқ уй расмийларининг сўзларига кўра, эр-хотин оғир темир эшик орқасига яширинишга уринган, бироқ шошқалоқлик билан рамкага урилган. Улар ҳибсга олингандан сўнг, АҚШ махсус кучлари биринчи ёрдам кўрсатди.

Расмийлар Мадуронинг рафиқаси Флоресни енгил жароҳатлар олганини таърифлади, гарчи унинг адвокати судда унинг қовурғалари цинган ёки қаттиқ кўкарган бўлиши мумкинлигини айтиб, рентген ва тўлиқ текширувдан ўтишни сўраган. Мадуронинг ўзи ҳам ўтириш ва туришда қийналган.