13 март куни Оқ уйда NATO бош котиби Марк Рютте билан учрашувда Қўшма Штатлар президенти оролнинг аннексия қилиниши мумкинлиги ҳақидаги саволга "Ўйлайманки, шундай бўлади. Бизга Гренландия халқаро хавфсизлик учун керак", — деб жавоб берди.
Трамп, шунингдек, Рютте Гренландиянинг АҚШга қўшилишида "муҳим рол" ўйнашига ишонч билдирди. Ўз навбатида, Марк Рютте "NATO'ни бу масала бўйича муҳокамаларга тортмоқчи эмаслигини" айтди, лекин Россия ва Хитойнинг оролга қизиқиши ортиб бораётганлиги сабабли Арктика хавфсизлиги учун Гренландия муҳимлигини тан олди.
Дания парламентининг мудофаа қўмитаси раиси Расмус Ярлов эса АҚШнинг даъволари "NATO'га аъзо икки давлат ўртасида урушга" олиб келиши мумкинлигини билдирди ва Рюттенинг хатти-ҳаракатларини танқид қилди.
"Гренландия яқиндагина Даниядан дарҳол мустақилл бўлишга қарши овоз берди ва ҳеч қачон АҚШ таркибига киришни истамайди", — дея қўшимча қилди Ярлов.
"Кўринмас" рус дронлари Украина артиллериясини мазах қилмоқда
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
Россия Хитойдан тинчликпарвар кучларни қабул қилишга рози
