АҚШ Молия вазирлигининг Хорижий активларни назорат қилиш бошқармаси (OFAC) Эрон ички ишлар вазири Искандар Момени каби бир қанча Эрон амалдорларига қарши янги санкциялар жорий этганини эълон қилди.
Бу ҳақда АҚШ Молия вазирлиги эълон қилди.
Санкциялар рўйхатига эронлик инвестор Бабак Занжоний ҳам киритилган. Департаментнинг таъкидлашича, у қамоқдан озод қилинганидан сўнг Ислом инқилоби қўриқчилари корпусини (ИИҚК) ва давлат тузилмалари фаолиятини қўллаб-қувватловчи лойиҳаларни молиялаштирган.
Бундан ташқари, OFAC биринчи марта Занжоний билан боғлиқ иккита криптовалюта биржасини белгилади, улар ИИҚК учун катта миқдордаги маблағларни йўналтириш учун ишлатилган деб тахмин қилинмоқда.
Аввалроқ Европа Иттифоқи 15 нафар Эрон амалдорига, жумладан, ички ишлар вазири Искандар Момени, ИИҚКнинг юқори лавозимли қўмондонлари ва суд тизими аъзоларига қарши санкциялар жорий этган эди. Рўйхатга шунингдек, Эроннинг аудиовизуал медиа тартибга солиш бошқармаси ва кибер тузилмалар каби олтита Эрон ташкилоти киритилган.
Одилхон қори Юнусхон ўғли суд залида ҳибсга олинди
Аҳолини рўйхатга олиш саволномасини хато тўлдирганларга огоҳлантириш юборилмоқда
Николай Валуев: "Марказий Осиё давлатларига ҳеч қачон таҳдид қилмаганман"
