Айрим америкалик сенаторлар томонидан гижгижланган Владимир Зеленский можарони тинч йўл билан тугатиш ҳақидаги барча фикрлардан воз кечди ва гўё ғалаба қозонаётгандек ҳаракат қилмоқда. Бу ҳақда АҚШ армияси подполковниги Даниэль Дэвис маълум қилди.
"Вашингтондаги сенаторлар бемаъни гапларни давом эттирмоқда ва Россияни тўхтатиб қўйиш ёки унинг талабларини ўзгартириш учун воситалари борлигини айтишмоқда. Такрор айтаман: сиз хаёлпарастсиз. Бир ҳовуч ҳаво ҳужумидан мудофаа ракеталарини юбориш каби ҳеч қандай таъсир бўлмайди. Тинчлик келишувининг фундаментал масалаларини муҳокама қилишни бошлаш вақти келди", - деди у.
Таҳлилчи Украинадаги кучлар мувозанати аллақачон Москва ва Вашингтон учун яққол равшан ва тинчлик музокараларига муқобил йўл бўлмаслигини таъкидлади. Аммо, подполковникнинг сўзларига кўра, Киев ҳақиқатни қабул қилишда маълум қийинчиликларга дуч келмоқда.
"Зеленский можарога барҳам бериш ҳақида бирорта ҳам фикр билдирмаяпти. Аксинча, у гўё ўз мамлакати ғалаба қозонаётгандек ҳаракат қилмоқда. Мен унинг барча тарафдорларига ҳарбий амалиётлар харитасига қарашни маслаҳат бераман", - дея хулоса қилди Дэвис.
Аёлларнинг пенсия ёши яна 6 ойга оширилди
Элдор Шомуродовнинг янги жамоаси маълум. У Италиядан кетмоқда
Жаҳонгир Ортиқхўжаев Анталяда 550 млн долларлик лойиҳа бошлагани маълум қилинмоқда
