Ливан парламент спикери Набих Берри Эрон ва Исроил ўртасидаги урушга Ливан аралашмаслигини маълум қилди. Бу ҳақда у маҳаллий MTV News телеканалига берган интервьюсида айтди.
«200 фоиз ишончим борки, Ливан урушга қўшилмайди. Бу бизнинг манфаатимизда эмас ва бундай ҳолатда биз жуда катта тўлов тўлар эдик», — деди Берри.
У шундай деб қўшимча қилди: «Эронга биз керак эмасмиз. Бу Исроилга ёрдам керак».
Бу баёнот «Ҳизбуллоҳ» ҳаракатининг Эронни қўллаб-қувватлаш эҳтимоли муҳокама қилинаётган пайтга тўғри келди. Ҳар қандай кескинлашув ҳолатида Эрон томонида ҳаракат қилиш эҳтимоли муҳокама қилинса-да, «Ҳизбуллоҳ» ҳозиргача тўғридан-тўғри урушга аралашишга тайёрлигини кўрсатмаган.
Бундан аввал АҚШнинг Сурия бўйича махсус вакили Том Барак «Ҳизбуллоҳ» ҳаракатига нисбатан қаттиқ огоҳлантириш билан чиқди. Унинг таъкидлашича, ҳаракатнинг можарога аралашиши «жуда, жуда, жуда ёмон қарор» бўлади.
«Президент Трамп номидан айтсам — бу жуда эҳтиётсиз қадам бўлар эди», — деди Барак ҳаракатнинг эҳтимолий ролини муҳокама қилиб.
АҚШ ҳозирча қандай чоралар кўрилишини аниқ айтмаган, бироқ «Ҳизбуллоҳ»нинг ҳар қандай ҳаракати жиддий кескинлашув сифатида баҳоланишини таъкидлаган.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
