Ukraina prezidenti Vladimir Zelenskiyning Belgradga ilk safari 8 avgust, shanba kuniga rejalashtirilgan. Bu haqda AFP agentligiga yuqori martabali ukrainalik amaldor ma’lum qilgan va ushbu tashrif an’anaviy ravishda Moskva ittifoqchisi hisoblangan Serbiya uchun ramziy ahamiyatga ega ekanini ta’kidlagan. «Biz serblarni Rossiyadan uzoqlashtirishimiz kerak», — degan agentlik manbasi va Zelenskiyning Belgradga tashrifini «rossiyaliklar uchun tarsaki» deb atagan.
Zelenskiy 2019 yilda Ukraina prezidenti lavozimiga kirishganidan beri hali Serbiyaga bormagan edi. Serbiya — 2022 yilda Rossiyaning Ukrainaga bostirib kirishi ortidan Rossiyaga qarshi sanksiyalar joriy qilmagan Yevropadagi yagona davlatdir. Belgrad energetika sohasida Moskva bilan yaqin aloqalarni saqlab kelmoqda. 2017 yildan beri prezident lavozimini egallab kelayotgan Serbiya prezidenti Aleksandr Vuchich Moskvada Vladimir Putin bilan uchrashgan va hamkorlik hamda savdo aloqalarini mustahkamlashga chaqirgan.
Zelenskiy hali Serbiyaga tashrif buyurmagan bo‘lsa-da, u Vuchich bilan avval uchrashgan — 2023 yil avgust oyida Ukraina rahbarining Afinaga tashrifi chog‘ida ikki prezident muzokara o‘tkazgan. Zelenskiy o‘shanda serbiyalik hamkasbi bilan suhbatini «ochiq, samimiy va samarali» deb atagan.
Saudiya Arabistoni valiahd shahzodasi Trampni Eronga qarshi boshqa hujumlar uyushtirmaslikka chaqirdi
Prezident ta’tildan uyiga qaytayotganda avtohalokatga uchradi
Yuliya Mendel Zelenskiyni yolg‘on va’dalar va hokimiyatda qolish uchun urushdan foydalanishda aybladi
