AQSh Afg‘oniston va Iroqdagi muvaffaqiyatsiz urushlardan zarur saboq chiqarmadi va Eronda yana o‘sha xatolarni takrorlamoqda. Bu haqda The Guardian xalqaro masalalar sharhlovchisi Saymon Tisdall yozdi.
Muallif maqolasini AQSh qo‘shinlarining Kobuldan tartibsiz chiqib ketganiga besh yil to‘lishiga bag‘ishlagan. U Afg‘onistondagi 20 yillik harbiy kampaniyani aniq maqsad va chiqish strategiyasiga ega bo‘lmagan "abadiy urush" sifatida baholaydi.
Tisdallning ta’kidlashicha, Afg‘onistondagi tajriba Amerika siyosatchilari va generallarini ochiq muddati belgilanmagan yangi mojarolardan tiyishi kerak edi. Ammo bu saboq 2003 yilda Iroqqa bostirib kirishda ham, hozirgi Eron bilan urushda ham inobatga olinmadi.
Sharhlovchi Donald Trampning Eronga qarshi boshlagan urushini AQShning navbatdagi "abadiy urushi" deb ataydi. Uning yozishicha, dastlab kichik va qisqa operasiya sifatida taqdim etilgan mojaro oltinchi oyga kirgan, ammo Vashingtonda hanuz aniq yakuniy maqsad va undan chiqish rejasi yo‘q.
Maqolada AQShning tashqi tahdidlarni bo‘rttirishi, siyosiy halollikning yetishmasligi, milliy takabburlik, soddalik va iqtisodiy manfaatlar bir xil ssenariyni qayta-qayta takrorlayotgan omillar sifatida keltiriladi.
Muallif Iroq urushi ommaviy qirg‘in qurollari haqidagi tasdiqlanmagan da’volar asosida boshlanganini esga oladi. Afg‘onistonda esa xalqaro terrorizm xavfi oshirib ko‘rsatilgani, Vashington bu kampaniyaga qariyb bir trillion dollar sarflagani qayd etilgan.
Tisdallning fikricha, Tramp bir kuni muzokaralar haqida gapirib, keyingi kuni yana harbiy kuch ishlatishga qaytishi orqali mojaroni yanada chuqurlashtirmoqda. AQSh Eronda g‘alaba qozona olmaydigan, ammo yakunlashni ham istamaydigan urushga kirib qolgan.
Sharhlovchi Eron bilan mojaro Tramp prezidentligining asosiy muvaffaqiyatsizliklaridan biriga aylanayotganini ta’kidlaydi. Uning xulosasiga ko‘ra, Afg‘oniston va Iroqdagi fojiali tajriba unutilgani Vashingtonni yana uzoq davom etadigan va aniq natijasi bo‘lmagan urushga olib keldi.
Saudiya Arabistoni valiahd shahzodasi Trampni Eronga qarshi boshqa hujumlar uyushtirmaslikka chaqirdi
Markaziy Osiyoda eng ko‘p oltin kimning qo‘lida jam bo‘lgan?
Prezident ta’tildan uyiga qaytayotganda avtohalokatga uchradi
