Zelenskiy Rossiyaning halok bo‘lganlar jasadini yig‘ib olish uchun 2-3 kunga o‘t ochishni to‘xtatish taklifini tanqid qildi.

"Ular halok bo‘lganlarning jasadlarini jang maydonidan olib ketish uchun ikki-uch kunlik sulhga tayyor. Men ularni ahmoqlar deb hisoblayman. Sulh aynan o‘limlar bo‘lmasligi uchun kerak", — deya munosabat bildirdi Ukraina prezidenti.

Shu bilan birga, Zelenskiy Qo‘shma Shtatlarni sulhga erishish uchun Rossiyaga nisbatan sanksiya bosimlarini kuchaytirishga chaqirdi.

Ukraina prezidenti Rossiya tomonidan taqdim etilgan memorandum matnini hali ko‘rmaganini, biroq Ukraina delegasiyasi baholariga tayanib, "aftidan, u jiddiy takliflar emas, balki ultimatumlar o‘z ichiga olgan"ini bildirdi.