Iqtisodchi Yuliy Yusupov so‘mning so‘nggi paytlardagi harakati haqida izoh berdi. Uning ta’kidlashicha, bu holatni valyuta mustahkamlanishi sifatida baholash noto‘g‘ri. Chunki so‘mning qadri ortmayapti, balki dollarning xalqaro miqyosda zaiflashuvi kuzatilmoqda.
O‘zbekistonlik iqtisodchi Yuliy Yusupov so‘m kursidagi so‘nggi o‘zgarishlar yuzasidan fikr bildirib, «hech qanday mustahkamlanish yo‘q»ligini ta’kidladi. Uning so‘zlariga ko‘ra, so‘m dollarga nisbatan faqat 3,3 foizga oshib, yevro, rubl, funt va yenaga nisbatan esa tushib bormoqda.
«Masalan, 2025 yil boshidan beri so‘m yevroga nisbatan 7,2 foizga, rublga nisbatan 22,4 foizga va funt-sterlingga nisbatan 4,2 foizga qadrsizlangan. Bu esa so‘mning real qiymatida mustahkamlanish emas, balki inflyasiya darajasida devalvasiyani ko‘rsatadi», deb yozadi iqtisodchi.
Yusupovning ta’kidlashicha, O‘zbekistonning asosiy savdo hamkorlari — AQSh emas, balki Xitoy, Rossiya va Yevropa bo‘lgani uchun so‘mning dollarga nisbatan biroz oshib borishi amalda uning umumiy qiymatini ko‘tarmagan.
U so‘nggi yillarda so‘mning real qiymatida ortiqcha mustahkamlanishi mahalliy ishlab chiqaruvchilarga salbiy ta’sir ko‘rsatganini eslatdi. Bu esa eksport uchun raqobatbardoshlikni pasaytiradi.
Shu bilan birga, so‘mning yonib qolmasligini ta’minlovchi omil sifatida mamlakatning oltin sotish hajmining oshishi va jahon bozorida oltin narxi ko‘tarilayotgani keltirildi.
Yusupov fikriga ko‘ra, dollarning tushishiga esa Donald Trampning siyosiy bayonotlari, tarif siyosati va Federal zaxira tizimi rahbariyatini ommaviy tanqid qilishi sabab bo‘lmoqda. AQSh iqtisodiyotiga va dollarga bo‘lgan ishonch pasaygan, investorlar esa hozirgi hukumatga ishonchsizlik bilan qaray boshlagan.
Abduqodir Husanov «Barsa»ga o‘tishi mumkin — Deku uni «kelajak himoyachisi» deb biladi
Dollar kursi yana keskin «quladi»
Isroil Eron bilan urush tugaganini rasman e’lon qildi
