Yangiyo‘lda Damas ag‘darilib ketdi

Yangiyo‘lda Damas ishtirokida sodir bo‘lgan yo‘l-transport hodisasi yuzasidan ma’lumot berildi.

Joriy yilning 13 iyul kuni soat tahminan
14:30 larda Toshkent viloyati Yangiyo‘l tumani hududidan o‘tgan halqaro ahamiyatdagi M 34 avtomobil yo‘lining
23-km, "Yangiyo‘l-Toshkent" yo‘nalishida haydovchi 1989 yilda tug‘ilgan X.Sh "Damas" rusumli transport vositasini boshqarib ketayotib, o‘zi bilan bir yo‘nalishda bo‘lgan haydovchi 1990 yilda tug‘ilgan M.I boshqaruvidagi "Jentra" rusumli transport vositasining orqa qismiga borib urilishi natijasida ag‘darilib ketgan.

Ushbu yo‘l-transport hodisasi natijasida "Damas" avtomobilining bir nafar yo‘lovchisiga birinchi tibbiy yordam ko‘rsatilgan. Og‘ir tan jarohati olganlar yo‘q.

Hozirda holat yuzasidan Yangiyo‘l tumani IIB YHXB tomonidan surishtiruv ishlari olib borilmoqda.