Isroilga «ezuvchi zarbalar» va’da qilindi

Islom inqilobi qo‘riqchilari korpusi (IRGC) qo‘mondoni o‘rinbosari Muhammad Rizo Nag‘diy Eronning Isroil zarbalariga javobini ma’lum qildi. Uning so‘zlariga ko‘ra, hujum yaqin kunlarda sodir bo‘ladi.

«Yaqin kunlarda siz sionistik rejimga yana ham halokatli zarbalarni ko‘rasiz. Biz ularni tashabbuskorligimiz va zukkoligimiz bilan hayratda qoldiramiz», — deyiladi qo‘mondon bayonotida.

Isroil mudofaa kuchlari 26-oktabrga o‘tar kechasi Erondagi harbiy ob’ektlarga hujum qildi. Eron tomoni hujum qaytarilganini, ammo «cheklangan zarar»ga olib kelganini aytdi. Eron Islom Respublikasi Oliy Rahbari Oyatulloh Ali Xomanaiyning aytishicha, Isroil Eronga hujum qilganda xato hisob-kitob qilgan.