"Manchester Yunayted" yangi bosh murabbiyni tayinladi

Portugaliyalik Ruben Amorim Angliyaning «Manchester Yunayted» jamoasi bosh murabbiyi etib tayinlandi.

39 yoshli futbolchi professional futbolchi sifatida Portugaliyaning «Belenensesh», «Benfika», «Braga» va Qatarning “Al-Vaqda” klublarida to‘p surgan. U Portugaliya terma jamoasida 19 ta o‘yin o‘tkazgan.

U 2018 yilda murabbiylik faoliyatini boshlagan. O‘shandan beri u Portugaliyaning «Kaza Piya», «Braga» va «Sporting» klublarini boshqargan.

U 2020/21 va 2023/24 yilgi mavsumda "Sporting" bilan chempionlikni qo‘lga kiritgan, 2019/20 yilgi mavsumda esa "Braga" boshqaruvida Portugaliya Ligasi kubogini qo‘lga kiritgan.

«Manchester Yunayted» Lissabon klubiga tovon puli sifatida 10 million yevro to‘lashi kerak edi. Shartnoma 2 yilga tuzilgan va yana bir mavsumga uzaytirilishi mumkin.

2022-2024 yillarda “Manchester Yunayted” bosh murabbiyi lavozimida ishlab kelgan Erik Ten Xaag jamoaning past natijalari tufayli iste’foga chiqarilgan.