Yangi o‘quv yilining boshlanish sanalari tasdiqlandi

Oliy ta’lim, fan va innovasiyalar vazirining tegishli buyrug‘i bilan oliy ta’lim tashkilotlari va akademik liseylarda yangi 2025/2026-o‘quv yilini boshlash sanalari tasdiqlandi.

Unga ko‘ra:

➖ akademik liseylarning barcha bosqich o‘quvchilari va oliy ta’lim tashkilotlarining 1-bosqich talabalari uchun dars jarayonlari 2025 yil 3 sentyabrdan;

➖oliy ta’lim tashkilotlarining 2- va undan yuqori bosqich talabalari uchun 8 sentyabrdan boshlanadi.

Oliy ta’lim tashkilotlarida birinchi bosqichga qabul qilingan talabalar uchun «Kredit ta’limi tizimiga kirish» haftaligi hamda «Talabalikka bag‘ishlov» tadbirlari tashkil etiladi.