“Yandeks” dron va raketa hujumlarini javobgarlikdan ozod etuvchi holatlar qatoriga kiritdi

“Yandeks” foydalanuvchi kelishuviga majburiyatlarni bajarmaslik uchun javobgarlikdan ozod etish asoslarini belgilovchi bandni qo‘shdi. Unda dronlar, raketa qurollari va boshqa zarar yetkazuvchi vositalar bilan amalga oshirilgan hujumlar yengib bo‘lmaydigan holatlar sifatida ko‘rsatilgan.

Kompaniya RBKga kelishuv shartlari barcha xizmatlarda bir xillashtirilayotganini va bunday qoidalar amaldagi qonunchilikda ham nazarda tutilganini ma’lum qildi.

2026 yil yozida Wildberries, Ozon, “Yandeks Market” va “Megamarket” ham dron hujumlari oqibatlari uchun sotuvchilar oldidagi javobgarlikni cheklovchi shartlarni o‘z ofertalariga kiritgan.

11 oktyabrga o‘tar kechasi Ukraina dronlari Vladimir shahridagi “Yandeks” ma’lumotlar markaziga hujum qilgan. Bundan avval kompaniyaning Ryazan viloyatidagi Sasovo shahri va Kalugada joylashgan ma’lumotlar markazlari ham nishonga olingan edi.