"Barselona" vingeri Lamin Yamal 2025 yilni yorqin o‘tkazdi. Sofascore hisob-kitoblariga ko‘ra, "ko‘k-anorranglilar" yulduzi yanvar oyi boshidan beri jami 307 ta muvaffaqiyatli aldab o‘tishni amalga oshirgan. Bu butun ma’lumot yig‘ish davrida bir kalendar yilida muvaffaqiyatli dribling urinishlari bo‘yicha ikkinchi ko‘rsatkichdir.
Rekord hamon Neymarga tegishli bo‘lib, u 2017 yilda 335 marta raqiblarini aldab o‘tgan. Uchinchi o‘rinda Lionel Messi bormoqda, u o‘sha 2017 yilda 260 marta muvaffaqiyatli dribling qayd etgan. E’tiborlisi, uchalasi ham "Barselona"da eng yaxshi natijalarini ko‘rsatishdi, ammo braziliyalik o‘sha yozda Kataloniya klubini "PSJ"ga almashtirgandi.
Iyul oyida Lamin Yamal 18 yoshga to‘ldi. O‘tgan mavsumda futbolchi Xans-Diter Flik jamoasiga Ispaniyadagi barcha ichki sovrinlarni yutishda yordam bergan.
Abduqodir Husanov «Real»da o‘ynashga yaqin turibdi
«Manchester Siti» Abduqodir Husanov bo‘yicha transfer masalasida qaror qildi
Fabio Kannavaro “JCH-2026” oldidan barcha muammolarni ochib berdi
