Kecha, 6 fevral kuni soat 13:15 da Xorazm viloyati FVB navbatchi-dispetcherlik xizmatiga Urganch tumanidagi ko‘p qavatli uyning xonadonlaridan birining kirish eshigi qulflanib, xonadonda 2 yoshli qizchaning qolib ketganligi to‘g‘risida xabar kelib tushdi.
Zudlik bilan xabar qilingan joyga yetib borgan qutqaruvchilar maxsus asbob-anjomlar yordamida xonadon eshigini ochib, uy ichida qolgan bolajonni onasiga sog‘-salomat topshirdilar.