Кеча, 6 февраль куни соат 13:15 да Хоразм вилояти ФВБ навбатчи-диспетчерлик хизматига Урганч туманидаги кўп қаватли уйнинг хонадонларидан бирининг кириш эшиги қулфланиб, хонадонда 2 ёшли қизчанинг қолиб кетганлиги тўғрисида хабар келиб тушди.
Зудлик билан хабар қилинган жойга етиб борган қутқарувчилар махсус асбоб-анжомлар ёрдамида хонадон эшигини очиб, уй ичида қолган болажонни онасига соғ-саломат топширдилар.