Kecha ijtimoiy tarmoqlarda Xorazm viloyati Xazorasp tumanida bir odam ko‘p qavatli binodan o‘zini tashlamoqchi bo‘lgani xaqida videotasvir tarqaldi. Ushbu hodisaga aniqli kiritish maqsadida Zamon.uz muxbiri Xorazm viloyati IIB matbuot xizmati bilan bog‘landi.
Ma’lum bo‘lishicha, voqea 23 yanvari kuni soat 13 -30 larda Xazorasp tumani tibbiyot birlashmasida sodir bo‘lgan. Xazorasp tumanida yashovchi, 1977 yil tug‘ilgan shaxs tibbiyot birlashmasi tomiga chiqqan. O‘Zini tomdan tashlamoqchi bo‘lgan shaxs tibbiyot bilashmasi xodimlari tomonidan pastga olib tushilgandan keyin ma’lum bo‘lishicha, u o‘zining xatti- harakatlarini anglay olmaydigan darajada kuchli mast holatida bo‘lgan. Fuqaro oila a’zolari hamrohligida qo‘yib yuborilgan. Hozirda Xazorasp II tomonidan shaxsning xatti- harakatlariga huquqiy baho berish uchun surishtiruv ishlari olib borilmoqda.