Xitoy rasmiylari to‘rt nafar giyohvand moddalar sotuvchisi va odam o‘g‘irlovchiga o‘lim jazosini ijro etdi.
Bu haqda Xitoy Markaziy televideniyesi xabar berdi.
Qatl qilish Shenchjen shahrida (Guandun provinsiyasining janubi) amalga oshirildi. Tergov ma’lumotlariga ko‘ra, jinoyatchilar Jinoyat kodeksining turli moddalari bo‘yicha jinoyatlar sodir etishgan, jumladan, qasddan odam o‘ldirish, mayib qilish, firibgarlik, qimor o‘yinlari va fohishaxonalar tashkil etish.
Rasmiy hisob-kitoblarga ko‘ra, Myanmadagi jinoiy tarmoqlar bilan bog‘liq firibgarlarning noqonuniy daromadlari 29 milliard yuandan (Xitoy Markaziy bankining amaldagi kursi bo‘yicha taxminan 4,2 milliard dollar) oshdi. Bu shaxslar, shuningdek, taxminan 11 tonna metamfetamin ishlab chiqarish va sotish bilan bog‘liq.
Xitoyda giyohvand moddalarga qarshi qat’iy qonunlar mavjud. 50 grammdan ortiq geroin ishlab chiqarish va sotish uchun maksimal jazo o‘lim jazosidir. Xitoy rasmiylari shuningdek, qotillik sodir etgan yoki odam savdosi bilan shug‘ullangan jinoyatchilarga eng qattiq jazoni qo‘llaydi.
Nikolay Valuyev: "Markaziy Osiyo davlatlariga hech qachon tahdid qilmaganman"
Xitoy qurolli kuchlari eng katta yo‘qotishlardan biriga duch keldi
Mayk Xakkabi: "Isroilni yoqtirmasangiz, telefon ishlatmang!"
