Ronaldu "An-Nasr"da o‘ynashdan bosh tortmoqda

"An-Nasr" hujumchisi Krishtianu Ronaldu rahbariyatdan norozi bo‘lib, klubning navbatdagi o‘yinida maydonga tushishdan bosh tortmoqda.

A Bola xabariga ko‘ra, portugaliyalik Saudiya Arabistoni suveren fondi (PIF) klubni raqobatchilar, xususan, "Al-Hilol"ga nisbatan boshqarayotganidan norozi.

Qayd etilishicha, shu sababli Ronaldu Saudiya Arabistoni chempionatida "Ar-Riyod"ga qarshi dushanba kuni bo‘lib o‘tadigan o‘yinda maydonga tushishdan bosh tortgan.

"An-Nasr" va "Al-Hilol"dan tashqari, PIF to‘g‘ridan-to‘g‘ri "Al-Ittihod" va "Al-Ahli"ni boshqaradi.